लेग स्पीनर सन्दीप लामिछाने आइपीएलको अक्सन लिस्टमा
सहयात्रा टिभी
काठमाण्डौँ । माघ -७ , नेपाली क्रिकेट टिमका लेग स्पीनर सन्दीप लामिछानेकाने नाम इन्डियन प्रिमियर लिगको अक्सन ड्राफ्टमा समावेस भएको छ । आइपीएलको अक्सन यहि २६ देखि २८ तारिकमा हुने छ जसमा ३६० भारतीय खेलाडी सहित ५७८ जना खेलाडीहरु रहने छन् । ११औँ संस्करणको आइपीएलको लागि शनिवार सार्वजनिक गरिएको ५७८ खेलाडीहरुको उक्त लिस्टमा सन्दीपमा नाम पनि अटाएको आइपीएलको अफिसियल साइटमा उल्लेख छ।
नेपाली रास्ट्रिय क्रिकेट टिमका खेलाडी समेत रहेका लामिछानेले २०१६ को यू १९ विश्वकपमा उत्कृष्ट प्रदर्शन गर्दै विश्व कृकेटको ध्यानाकर्षण गराउन सफल भएका थिए । नेपाली रास्ट्रिय क्रिकेट टिमबाट लगातार खेलीरहेका सन्दिपले २०१६ मै हंगकंगको घरेलु टि२० प्रतियोगिता हंगकंग टि२० ब्लीटज खेलीसकेका थिए जहाँ उनले अस्ट्रेलियन पुर्ब कप्तान माईकल क्लार्कसंग काउलुन क्यान्टोन क्लबबाट खेल्ने मौका पाएका थिए ।