सन्दिप दिल्ली डेयर डेभिल्समा !
सहयात्रा टिभी
काठमाण्डौ । माघ -१४, नेपाली क्रिकेट टिमका लेग स्पीनर सन्दीप लामिछाने इन्डियन प्रिमियर लिग (आइपिएल) मा आबद्घ भएका छन् । आज भएको अक्सनमा एसोसिएट क्याटागोरीबाट सन्दिपलाई दिल्ली डेयर डेभिल्सले २० लाख भारु (३२ लाख रुपैयाँ) मा किनेको हो।
उनी यसबाट (आइपिएल) मा आबद्घ हुने पहिलो नेपाली खेलाडी बनेको छन् । यसअघि सन्दीप पाकिस्तान सुपर लिग (पिएसएल) र बंगलादेशको घरेलु लिगको ड्राफ्टमा परे पनि अक्सनबाट टिममा छनोट हुन असफल भएका थिए।
सन्दीप अनक्याप्ट क्याटागोरीका खेलाडी हुन । आइपीएलको नयाँ नियम अनुसार अनक्याप्ट खेलाडीको रुपमा उनको मुल्य कम्तीमा २० लाख भारु थियो ।