एसिया कप : सेमिफाइनका दुई खेल आज हुँदै

सहयात्रा टिभी

काठमाडौं । पुस ४, दुवईमा जारी यू-१९ एसिया कपको सेमिफाइनलका दुई खेल आज हुँदैछन्। पहिलो सेमिफाइनलमा श्रीलंकाले भारतको सामना गर्दैछ। दोस्रो सेमिफाइनलमा भने बंगलादेश र पाकिस्तान भिड्दैछन्।

भारत समूह ‘ए’को विजेता बन्दै सेमिफाइनल प्रवेश गरेको हो भने श्रीलंका समूह ‘बी’को उपविजेता हो। पाकिस्तन समूह ‘ए’को उपविजेता हो भने बंगलादेश समूह ‘बी’को विजेता हो। प्रतियोगितामा भारत र बंगलादेश अपराजित छन्।

एउटै समय शुक्रबार बिहान १०ः४५ बजे सुरुहुने सेमिफाइनल भिडन्तका विजयी टिमले उपाधिका लागि आइतबार फाइनलमा प्रतिस्पर्धा गर्नेछन्। आठ टिम सहभागी प्रतियोगिताको समूहचरणबाटै यूएई, अफगानिस्तान, नेपाल र मलेसिया भने बाहिरिसकेका छन्।