पाशुपत क्षेत्रमा बिहानैदेखि भक्तजनको भिड, सुरक्षामा खटिए १२५० प्रहरी, ९ हजारले गरे दर्शन

सहयात्रा टिभी

काठमाडौँ । भदौ २९, हरितालिका तीजका अवसरमा पशुपतिनाथ मन्दिर र आसपासका क्षेत्रको सुरक्षाका लागि १ हजार २ सय ५० प्रहरी परिचालित भएका छन् । आज बिहान ३.१५ बजेदेखि नै भक्तजनका लागि पशुपतिका ४ वटै ढोका खुला भएपछि सहज भएको छ ।

बिहान ७ बजेसम्ममा ९ हजार भन्दा बढी दर्शनार्थीद्वारा दर्शन गरेका छन् । सुरक्षा स्रोतका अनुसार, ३ हजार दर्शनार्थी लाइनमा छन् । नेपाल प्रहरीले पशुपति मन्दिर दर्शनमा सहजीकरण गरेको हो । मन्दिर परिसरमा भक्तजनका लागि स्वास्थ्य शिविर पनि चलाइएको छ । ट्राफिक व्यवस्थापन पनि गरिएको छ ।

सुरक्षा व्यवस्थापनमा कुनै कमी नहोस् भनेर प्रहरीले सिसिटिभी, ड्रोनबाट अनुगमन गरिरहेको छ । सादा पोशाकमा प्रहरी पनि परिचालन भएका छन् । प्रहरीले आज दिनभर दुई सिफ्टमा सुरक्षा व्यवस्था मिलाएपछि दर्शनार्थी मन्दिरमा दर्शन गर्न सहज भएको भक्तजनको प्रतिक्रिया छ ।