एइबरविरुद्धको खेलमा बार्सा बार्सा विजयी

सहयात्रा टिभी

काठमाण्डौ । फागुन -६, स्पेनिस ला लिगा फुटबलमा बार्सिलोनाले १० खेलाडीमा सिमित ईबारविरुद्ध पहिलो र दोश्रो हाफमा १-१ गोल गर्दै जीत हासिल गरेको छ । शनिबार राती भएको खेलमा २–० को जीत निकाल्दै बार्सिलोनाले आफ्नो अपराजित यात्रा कायम राखेको हो । पहिलो गोल खेलको १६ औँ मिनेटमा मेसीको पासमा लुइस स्वारेजले गरे भने  खेलको ८८ औँ मिनेटमा आल्बाले दोश्रो गोल गरेर जीत सुनिश्चत बनाए ।

यो जितपछि बार्सिलोना २४ खेलबाट ६२ अंकसहित लिगको पहिलो स्थानमा कायमै छ । पराजित एइबर भने २४ खेलबाट ३५ अंकसहित लिगको सातौँ स्थानमा छ । खेलमा ईबारका फाबियन ओरेलानाले रातो कार्ड खाँदै मैदान छाड्न परेको थियो ।