ला लिगा : रियल मड्रिडले लेगानेसलाई हराउदैँ तेस्रो स्थानमा

सहयात्रा टिभी

फागुन -१०, स्पेनिस ला लिगा अन्तर्गत गएराती भएको खेलमा रियल मड्रिडले लेगानेसलाई ३- १ ले पराजित गर्दै जित हासिल गरेको छ। यो जितसँगै रियल अंक तालिकाको तेस्रो स्थानमा उक्लिएको छ ।क्रिस्टियानो रोनाल्डो विना मैदान उत्रिएको रियल बिरुद्द लेगानेसका बुस्टेन्जाले छैटौँ मिनेटमै गोल गरेपछि लेगानेसले अग्रता लिएको थियो । यद्यपी त्यसको ५ मिनेट पछि नै लुकास भजक्वेजले रियलका लागि बराबरी गोल फर्काए। खेलमा पुनरागमन भएको मर्डिडका लागि कासेमिरोले २९औँ मिनेटमा गोल गर्दै मर्डिडलाई अग्रता दिलाए भने कप्तान सर्गियो रामोसले अन्तिम मिनेटमा गोल गर्दै मर्डिडलाई बिजयी बनाए ।

यो खेलसँगै २४ खेलबाट ४८ अंक जोडेको रियल अंक तालिकामा तेस्रो स्थानमा उक्लेको छ ।