वेस्ट इन्डिजलाई पराजित गर्दै अफगानिस्तानलाई विश्वकप क्वालिफायर्सको उपाधि
सहयात्रा टिभी
चैत्र -१२, विश्वकप छनोट प्रतियोगितामा शुरुका तीन खेलमा लगातार तीन हार ब्यहोरेर पनि एक जित र रनरेटको आधारमा सुपर सिक्समा पुगेको अफगानिस्तान प्रतियोगिताको च्याम्पियन बनेको छ । ३ वटा हार पछि पनि उत्कृष्ट पुनरागमन गर्दै फाइनलमा पुगेको अफगानिस्तानले वेष्टइन्डिजलाई ७ विकेटले हराउँदै उपाधि माथि कब्जा समेत गरेको छ ।
अफगानिस्तानले फाइनलमा टस जितेर ब्याटिङ् रोजेको वेष्ट इन्डिजलाई ४६.५ ओभरमा २०४ रनमा रोकेको थियो । जवाफी व्याटिङ्मा उत्रिएको अफगानिस्तनले मोहमद सेहजादको आक्रमक ८४ रन सँगै ४०.४ ओभरमा ३ विकेट गुमाएर लक्ष्य पुरा गरेको थियो । प्रतियोगितामा अलराउण्ड उत्कृष्ट प्रदर्शन गरेका घरेलु टोली जिम्बावेका सिकन्दर राजा प्लेअर दफ दि सिरिज घोषित भए।