नेदरल्याण्डको पोर्चुगलमाथि ३-० को जीत
सहयात्रा टिभी
चैत्र १३, विश्वकप फुटवलको तयारीका लागि सोमबार राति भएको खेलमा नेदरल्याण्डसले पोर्चुगल माथि जीत हाँसिल गरेको छ । पहिलो हाफमै ३ गोल गरेका नेदरल्याण्डसलाई पोर्चुगलले गोल गर्न सकेन । सेकेन्ड हाफमा कावाको क्यानसेलो दोहोरो पहेँलो कार्ड खाँदै मैदानबाट बाहिरिएपछि पोर्चुगल १० खेलाडीमा सीमित भएको थियो ।
नेदरल्याण्डसका लागि ११औं मिनेटमा मेम्फिस डिपेइले अग्रता दिलाएका थिए भने ३२ औं मिनेटमा रायन बाबेलले दोश्रो गोल गरेका थिए । यसका साथै पहिलो हाफको इन्जुरी समयमा विर्गिल भान डिजेकले गोल गर्दै नेदरल्याण्डसलाई ३ -० को अग्रता दिलाएका थिए । ६८ औं मिनेटमा रोनाल्डोलाई जोएओ माउन्टिन्होले प्रतिस्थापन गरेका थिए ।