एएफसी एसियन कप छनोटमा नेपाल यमनसँग पराजित
सहयात्रा टिभी
चैत्र १४, एएफसी एसियन कप २०१९ को छनोट खेल अन्तर्गतको हिजो भएको खेलमा नेपाल यमनसँग २-१ ले पराजित भएको छ । कतारको दोहामा रहेको सुहेम विन हमाद रंगशालामा भएको खेलमा यमनका लागि खेलको २३ औँ मिनेटमा अब्दुल वासियालाई पहिलो गोल गर्दै अग्रता दिलाएका थिए । त्यसपछि नेपालका लागि खेलको ४५ औँ मिनेटमा नवयुग श्रेष्ठले गोल गर्दै खेललाई बरावरीमा ल्याएका थिए ।
पहिलो हाफमा १-१ गोल गरेपनि खेल सकिन सात मिनेट बाँकी छँदा विराज महर्जनले डिबक्स भित्र फल गरेका कारण यमनले पेनल्टीको अवसर पाएको थियो । यमनले यही पेनाल्टीको सदुपयोग गर्दै २-१ को अग्रता कायम गर्यो र विजयी पनि बन्यो । यो खेल सँगै नेपालको समूहबाट फिलिपिन्स र यमन एएफसी एसियन कपका लागि छनोट भएका छन् भने नेपाल र ताजिकिस्तान छनोट चरणबाटै बाहिरिएका छन् ।