आदर्श साइनिङ स्टार एकेडेमीले मनाए पाँचौ वार्षिकोत्सव

सहयात्रा टिभी

सर्लाही/राजु तामाङ । चैत्र –२९, सर्लाहीको बागमती नगरपालिका–३, धरहरामा आदर्श साइनिङ स्टार एकेडेमीले आफ्नो पाँचौ वार्षिकोत्सव विविध साँस्कृतिक कार्यक्रम गरी मनाएका छन्।

उक्त कार्यक्रमको अवसरमा खेलकुद तर्फ अतिरिक्त क्रियाकलापमा पहिलो, दोस्रो र तेस्रो हुन सफल भएका छात्र/ छात्राहरुलाई पुरस्कार समेत प्रदान गरेका छन्।

बागमती नगरपालिका वडा नं. ३ का वडाध्यक्ष तथा कार्यक्रमका प्रमुख अतिथि तिलक मोक्तान र एन प्याब्सन सर्लाहीका सचिव तथा विषेश अथिति प्रेमध्वज घिसिङले शुभकामना तथा विद्यालयले छोटो समयमा नै शिक्षाको क्षेत्रमा राम्रो फड्को मार्न सफल भएको भन्दै  अझ आउँदा दिनहरुमा  प्रगतिको कामनासहित बधाई तथा शुभकामना व्यक्त गरे । प्रसंग जोड्दै अहिलेको सन्र्दभमा हरेक क्षेत्रको विकास गर्न सर्वप्रथम शिक्षाले महत्वपूर्ण भूमिका खेल्ने भएकोले गुणस्तर शिक्षामा जोड दिनुपर्ने बताए ।

कार्यक्रमको अतिथिहरुमा गौरीशंकर प्रा.वि. का प्रअ भरत बहादुर थापा, जनकल्याण प्रा.वि. का प्रअ बद्री स्याङतान, जनवालकल्यण मा.वि. का प्रअ मनिष बराल, तामाङ पत्रकार संघ सर्लाहीका अध्यक्ष राजु लो तामाङ संघकै जिल्ला सचिव उपेन्द्र गोले र रेडियो बागमतीका सञ्चारकर्मी चन्द्र जिम्बा, बुद्धिजीवी समाजसेवी सुकमान पाख्रिन लगायत अतिथिहरुको सहभागीता थियो।

सोही विद्यालयका संस्थापक प्रिन्सिपल ज्ञानु लो तामाङले सदा झै अगामी दिनहरुमा पनि सम्पूर्ण अभिभावकहरुको साथ सहयोग भएमा आगामी वर्ष देखि विद्यालयलाई निमावि र मावि बनाउने योजना रहेको बताईन् ।