होटेल सोल्टी क्यासिनोका सञ्चालक सहित आठ जना पक्राउ
सहयात्रा टिभी
काठमाण्डौ। बैशाख–५, प्रहरीले क्यासिनोमा नेपालीलाई जुवा खेलाएको आरोपमा सञ्चालक सहित ८ जना पक्राउ गरेको छ । नेपालीलाई जुवा खेलाएको सुचनाको आधारमा मङगलबार राती महानगरीय प्रहरी टोलीले खेल्ने र खेलाउने कार्यमा संलग्न रहनेलाई प्रक्राउ गरेको हो ।
महानगरीय प्रहरी परिसर, काठमाडौंका प्रवक्ता मोहनकुमार थापाले दिएको जानकारी अनुसार क्यासिनोमा जुवा खेलिरहेका ६ नेपालीलाई पक्राउ गरी मेनेजरहरुलाई समेत नियन्त्रणमा लिइएको काठमाडौं परिसरका डिएसपी थापाले बताए।
क्यासिनोमा नेपाली खेलाउन निषेध भएपनि आम्दानि बडाउन नेपाली प्रवेश गरेका छन । जुवा खेलमा संलग्न विकल्प पोखरेल, शिखर पौडेल, तेन्जिङ मेलेकलाई पनि प्रहरीले नियन्त्रणमा लिएको छ ।
प्रहरी थापाका अनुसार, क्यासिनोमा जुवा खेलिरहेकै अवस्थामा समातिएका रञ्जित खड्गी, अरुण सेडाई र पासाङ ठकुरीलाई नियन्त्रणमा लिइएको छ ।क्यासिनोका म्यानेजिङ डाइरेक्टर र कर्माचार्य कार्यकारी अधिकृत पनि प्रहरीले नियन्त्रणमा लिएको छ ।