ट्याक्सी चालक यात्रुको ६ लाख सहित प्रक्राउ
सहयात्रा टिभी
काठमाण्डौं । बैशाख–३१, काठमाण्डौं महानगरपालीका ५ हाडिगाउंमा बस्ने ट्याक्सी चालक २९ वर्षिय अशोक थापालाई महानगर प्रहरी बृत्त कमलपोखरीले पक्राउ गरेको छ ।
ट्याक्सीमा यात्रुले बिर्सिएका ७ लाख ५५ हजार लिएर फरार भएपछि थापालाई महानगरीय ट्राफिक प्रहरीको सीसी टीभी फुटेजका माध्यमबाट उक्त रकम चालकले नै लिएको थाहा भएपछि प्रहरीले पक्राउ गरेको हो ।
गत २६ गते रेमशप्रसाद पाठकले कमलादीमा संचालन गरेको पसलका लागि उक्त रकम लिएर ट्याक्सीमा चढेका थिए । तर, कमलादी चोकमा झर्दा रूपैयाँ ट्याक्सीमै बिर्सिएपछि चालकले लिएर फरार भएका थिए ।
पक्राउ परेका थापालाई केही सार्वजनिक मुद्दामा कमलपोखरीमै थुनामा राखिएको प्रहरीले बताएको छ । हराएको बाँकी एक लाख ५५ हजार रुपैयाँ भने अझै भेटिएको छैन ।