धादिङमा ट्रक दुर्घटना हुदां चार जना घाइते एक जनाको मृत्यु
सहयात्रा टिभी
धादिङ । जेठ–३ बुधबार राति ट्रक दुर्घटना हुदां एक जनाको मृत्यु भएको छ भने चार जना घाइते भएका छन । मलेखु धादिङबेसीमा पर्ने नीलकण्ठ नगरपालिका वडा नम्बर ८ च्याडुमोडमा ट्रक दुर्घटना भएको हो ।
दुर्घटनामा घाइते भएका नीलकण्ठ नगरपालिका वडा नम्बर ३ का गोकुल उपाध्यायको उपचारको लागि काठमाण्डौं लैजाँदै गर्दा मृत्यु भएको छ । घाइते हुने चार जनामध्ये २ जनाको काठमाण्डौंको ट्रमा सेन्टरमा र २ जनाको जिल्ला अस्पताल धादिङमा उपचार भइरहेको बताइएको छ ।
मलेखुबाट धादिङबेसीतर्फ जाँदै गरेको बा ३ ख ६१४३ नम्बरको ट्रक सडकबाट खसेको जिल्ला प्रहरी कार्यालय धादिङका प्रहरी नायब उपरीक्षक रामबहादुर केसीले जानकारी दिएका छन ।