सप्तरीमा भतिजाको हत्या गर्ने काका पक्राउ
सहयात्रा टिभी
सप्तरी । जेठ–८, सप्तरीको शम्भुनाथ नगरपालिका–७, भंगहामा भतिजाको हत्या गरेको आरोपमा काका पर्ने एक व्यक्तिलाई प्रहरीले पक्राउ गरेको छ । भतिजालाई हथौडाले हानेर हत्या गरी फरार भएका काका आनन्द चौधरीलाई सोमबार प्रहरीले पक्राउ गरी सार्वजनीक गरेको हो ।
सोमबार पत्रकार सम्मेलन गरी ३० विर्षिया भतिज अजय चौधरीलाई २० वर्षिया काका आनन्द चौधरीले हत्या गरेको प्रहरी उपरीक्षक मुकेशकुमार सिंहले बताए।
भतिज अजयको हत्या गरी फरार भएका काका आनन्द चौधरीलाई प्रहरीले सिरहाको लाहानबाट पक्राउ गरेको हो ।
गाउँको एक विवाह समारोहमा मोटरसाइकल पार्किङको विषयमा अजय र आनन्दविचमा सामान्य झगडा भएको थियो । सोहि झगडाको कारणले राती सुतेको समयमा आनन्दले हथौडा प्रहार गरी अजयको हत्या गरी फरार भएको प्रहरी अनुसन्धानबाट खुलेको प्रहरी उपरीक्षक सिंहले जनाए ।