रक्सौल नाकाबाट करिब १ करोड मुल्य बराबरको मरिच बरामद
सहयात्रा टिभी
वीरगञ्ज । जेठ–२२, सोमबार प्रहरीले नेपालबाट भारततर्फ लगीँदै गरेको अवस्थामा ठूलो परिमाणमा मरिच बरामद गरेको छ । वीरगञ्ज रक्सौल नाका हुँदै भारततर्फ लगीँदै गरेको १ करोड भन्दा बढि मुल्य बराबरको मरिच प्रहरीले सोमबार बेलुका वीरगञ्जबाटै बरामद गरेको हो ।
युपी ७८ बिटी ३८०४ नम्बरको भारतीय ट्रक र ट्रक चालक भारतीय नागरिक ३२ वर्षीय धमेन्द्र कुमारलाई करिब १२ टन मरिच सहित प्रहरीले नियन्त्रणमा लिएको जिल्ला प्रहरी कार्यालय पर्साले जनाएको छ ।
मरिच बोकेको ट्रक वीरगञ्ज रक्सौल नाकामा रहेको शंकाराचार्य गेट कटिसकेको अवस्थामा प्रहरीले पक्राउ गर्न सफल भएको हो । मरिच र ट्रक नियन्त्रणमा लिइ थप अनुसन्धानका लागी जिल्ला प्रहरी कार्यालय पर्सामा राखिएको छ ।
मसलाको रुपमा प्रयोग हुने मरिच नेपालमा भन्दा भारतमा दोब्बर मुल्यमा बिक्रि हुने हुँदा मरिचको तस्करी बढेको पाइन्छ