प्रधानमन्त्री कप क्रिकेटमा एपिएफले मध्यमाञ्चललाइ हरायो
सहयात्रा टिभी
काठमाडौं । काठमाडौंको कीर्तिपुरमा जारी प्रधानमन्त्री कप क्रिकेटमा सशस्त्र प्रहरीको एपिएफले मध्यमाञ्चललाई ६ विकेटले पराजित गरेको छ । टस हारेर पहिले ब्याटिङ गरेको मध्यमाञ्चलले खराब प्रदर्शनकाबीच हसिम अन्सारीको प्रेरणादायक १०१ रनको मद्दतमा १८७ रन बनाएको थियो । मध्यमाञ्चल ४८ दशमलव ३ ओभरमा १८७ रन बनाएर अलआउट भयो । मध्यमाञ्चलका अन्सारीले १०१ रन बनाउनुबाहेक अरु कुनैपनि ब्याटसम्यानले उल्लेख्य योगदान दिन सकेनन । जवाफी ब्याटिङमा उत्रिएको एपिएफले ३४ ओभरमा ४ विकेट गुमाउँदै लक्ष्य प्राप्त ग¥यो । एपिएफका लागि अनिल शाहले नटआउट ७८ रन बनाए । बलिङमा चार विकेट र नटआउट २८ रन बनाएका एपिएफका ज्ञानेन्द्र मल्ल म्यान अफ द म्याच चुनिए ।