नेपालमा कोरोना : उपत्यकामा ३ सय १ सहित २४ घण्टामा थप ८सय ८५ जनामा कोरोना पुष्टि,कुल संक्रमित संख्या ३४ हजार नाघ्यो
सहयात्रा टिभी
काठमाडौं । भाद्र –१०, नेपालमा थप ८८५ जना कोरोना भाइरसका संक्रमित फेला परेका छन् ।स्वास्थ्य तथा जनसंख्या मन्त्रालयले बुधबार आयोजना गरेको पत्रकार सम्मेलनमा पछिल्लो २४ घन्टामा ८८५ जनामा कोरोना भाइरस संक्रमण पुष्टि भएको जानकारी दिइएको हो ।यसैगरी काठमाडौं उपत्यकामा थप ३०१ जनामा कोरोना पुष्टि भएको मन्त्रालयले जनाएको छ। पछिल्लो २४ घन्टामा काठमाडौँमा २३०, ललितपुरमा ४७ र भक्तपुरमा २४ जना संक्रमित देखिएका स्वास्थ्य तथा जनसंख्या मन्त्रालयले जानकारी दिएको हो । यो संगै कुल संक्रमित संख्या ३४ हजार ४ सय १८ पुगेको छ ।
२४ घन्टामा ३८५ जना निको भएर घर फर्किएका छन् । हालसम्म निको हुनेमा १९ हजार ५०४ निको भएको मन्त्रालयका प्रवक्ता डा.जागेश्वर गौतमले जानकारी दिए ।त्यसैगरी २४ घन्टामा जम्मा १३ हजार २ सय ५३ पीसीआर परीक्षण भएका छन् ।हालसम्म क्वारेन्टाइनमा रहनेको संख्या ९ हजार ८ सय ३२ जना रहेका छन् । त्यसैगरी आइसोलेसनमा रहनेको संख्या १४ हजार ७३९ जना रहेको मन्त्रालयले जनाएको छ ।