पछिल्लो २४ घण्टामा १ हजार ४०९ जना कोरोना संक्रमित थपिए उपत्यकामा
सहयात्रा टिभी
काठमाडौं । असोज–२३, काठमाडौं उपत्यकामा पछिल्लो २४ घण्टामा १ हजार ४०९ जना कोरोना संक्रमित थपिएका छन् । स्वास्थ्य मन्त्रालयद्वारा शुक्रबार आयोजित नियमित पत्रकार सम्मेलनमार्फत गराइएको जानकारी अनुसार ५२७ महिला र ८८२ पुरुष गरी १४०९ जनामा संक्रमण पुष्टि भएको हो ।
मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा काठमाडौंमा मात्रै १११६ जनामा कोरोना संक्रमण देखिएको छ । त्यसैगरी ललितपुरमा १६३ र भक्तपुरमा १३० जनामा संक्रमण पुष्टि भएको छ । यसैबीच पछिल्लो २४ घण्टामा काठमाडौंका दुई तथा ललितपुरमा एकजना संक्रमितको मृत्यु भएको छ । उपत्यकाका ३ सहित देशभर १० जनाको ज्यान गएको छ । नेपालमा भने पछिल्लो २४ घण्टामा कुल २०५९ जना कोरोना संक्रमित थपिएका छन् । योसँगै कुल संक्रमितको संख्या एक लाख नाघेको छ ।