नेपालमा कोरोना: पछिल्लो २४ घण्टामा थप ३ हजार १ सय १४ जनामा कोरोना पुष्टि,कुल मृतक संख्या १ हजार नाघ्यो
सहयात्रा टिभी
काठमाडौं । कार्तिक –१८,स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा कोरोना भाइरसका तीन हजार ११४ जना सङ्क्रमित थपिएका छन् ।
पछिल्लो चौबीस घण्टामा थपिएका सङ्क्रमितसँगै नेपालमा कुल सङ्क्रमित एक लाख ७९ हजार ६१४ पुगेको छ । हाल ३७ हजार ४७६ जनामा कोरोना भाइरसको सङ्क्रमण सक्रिय छ ।मन्त्रालयले पछिल्लो चौबीस घण्टामा तीन हजार १४२ जना कोरोना सङ्क्रमित निको भएर घर फर्केको जनाएको छ । हालसम्म एक लाख ४१ हजार १३४ सङ्क्रमित निको भएर घर फर्केका छन् ।त्यसैगरी, पछिल्लो चौबीस घण्टामा २० जना सङ्क्रमितको मृत्यु भएको छ । योसँगै कोरोनाभाइरसबाट मृत्यु हुनेको संख्या एकहजार चार पुगेको मन्त्रालयले जनाएको छ ।