नेपाली सेनामा ठूलो संख्यामा नयाँ भर्ना खुल्यो
सहयात्रा टिभी
काठमाडौं । पुस २१, नेपाली सेनाले विभिन्न पदको लागी नयाँ भर्ना खोलेको छ । सेनाले विभिन्न ११ पदमा २९४ जनाको लागि भर्ना खुल्ला गरेको हो । भर्ना छनोट निर्देशनालय कार्यरथी विभाग जंगीअड्डाले लेखा जमदार, पुजारी हुद्दा, अमल्दार कर्मचारी, बन्दोबस्ती कार्य सिपाही, सुचिकार, कुचिकार, चर्मकर्मी, लोहकार, धोबी, केशकर्तक र सयस पदहरुमा भर्ना खुल्ला गरेको छ ।
बन्दोबस्ती कार्य सिपाही पदमा ९६ जना, अमल्दार कर्मचारी पदमा ५३ र लेखा जमदार पदमा ५० जनाका लागि दरखास्त आह्वान गरिएको छ । सेनाले नारायणहिटी उत्तरतर्फको गेट नेपाल क्याभलरीको खेल मैदानमा दरखास्त फारम वितरण र संकलनको व्यवस्था मिलाएको छ ।
माघ २१ गतेसम्म दरखास्त दिने अन्तिम मिति तोकिएको छ । माघ २८ गतेसम्म दोब्बर दस्तुर बुझाएर दरखास्त बुझाउन सकिने छ ।