भद्रकालीमा बस पल्टियो, तीनजना घाइते
सहयात्रा टिभी
काठमाडौँ । माघ १, काठमाडौँको भद्रकालीको आकाशे पुल मुनी बस पल्टिँदा तीनजना घाइते भएका छन् ।
रत्नपार्कबाट थानकोटका लागि छुटेको बा ३ ख ४४३७ नम्बरको यात्रु बस बिहीबार बिहान करिब ८ बजे पल्टिएको प्रहरीले जनाएको छ ।
तीव्र गतिका कारण गाडी मोड्ने क्रममा अनियन्त्रित भएर पल्टिँदा तीनजना घाइते भएको प्रहरी निरीक्षक वेदबहादुर पौडेलले जानकारी दिए ।
चालकको टाउकोमा चोट लागेको भए पनि खतरामुक्त रहेको र अरु दुई यात्रु सामान्य घाइते भएको प्रहरीले जनाएको छ।
बाटोमा बस पल्टिँदा केहीबेर यातायात सेवा प्रभावित भएको थियो । केहीबेरमै गाडी उठाएर यातायात सुचारु गरिएको प्रहरी निरीक्षक पौडेलले बताए ।