विजय पुनको ‘पत्थरको मुटु’ बोलको गीत सार्वजनिक

सहयात्रा टिभी

काठमाडौं । माघ ०५, सत्य कथामा आधारित विजय पुनको ‘पत्थरको मुटु’ गीतको भिडियो सार्वजनिक भएको छ । गायक प्रताप दासको समुधुर स्वर रहेको गीतमा विजय पुनको मर्म स्पर्शी शब्द रहेको छ भने गीतलाई ऋषि खड्काले संगीत दिएका छन् ।

भिडियोमा दुई युवायुवतीबीच रहेको प्रेमकथालाई प्रस्तुत गरिएको छ । प्रेम, धोका, पीडा, त्याग, बिछोडजस्ता रसहरुको मिश्रित रूप यस भिडियोमा भएको कथावस्तुमा देख्न सकिन्छ । भिडियोमा प्रेम, घरपरिवार र समय परिस्थितिको सम्बन्धलाई प्रस्तुत गरिएको छ । भिडियोमा टिकटक स्टार विजय पुन र गीता ढुंगानाको अभिनय रहेको छ । साथै रमेश अधिकारीको पाहुना भूमिका देख्न सकिन्छ । भिडियोलाई बुद्ध थापा र उनको संयुक्त समूहले छायांकन गरेका हुन्।

गीतलाई उत्कृष्ट बनाउन धेरै सहयोगी हातहरुको साथ रहेको थियो । गीतकार विजय पुनले आफ्नै जीवनसँग सम्बन्धित विषयबस्तुलाई गीत मार्फत् देखाउने प्रयास गरेका छन् । गीति लेखनमा पुनको यो पहिलो कदम हो ।