अमेरिकामा कोरोना महामारीबाट मृत्यु हुनेको संख्या ४ लाख २० हजार पुग्यो
सहयात्रा टिभी
काठमाडौं । माघ ०९, अमेरिकामा कोरोनाले मृत्यु हुनेको संख्या ४ लाख २० हजार पुगेको बताईएको छ । पछिल्लो २४ घण्टामा ४ हजार ३६३ संक्रमितको मृत्यु भएसँगै अमेरिकामा कोरोनाले ज्यान गुमाउने संक्रमितको संख्या ४ लाख २० हजार २८५ पुगेको हो ।
यस्तैगरी पछिल्लो २४ घण्टामा १ लाख ९३ हजार ७५८ जनामा संक्रमण भएको पुष्टि गरीएको छ । यसअघि २७ मंसिरमा एकैदिन अहिलेसम्मकै धेरै ३ लाख ८६ हजार ६५४ जनामा संक्रमण भएको थियो । पछिल्लो वृद्धिसँगै अमेरिकामा संक्रमितको संख्या २ करोड ५१ लाख पुगेको जनाएको छ । संक्रमितमध्ये अहिलेसम्म १ करोड ५१ लाख जना संक्रमणमुक्त भएका छन् ।
उपचार गराइरहेका ९६ लाख ७४ हजार ८१० जनामध्ये २७ हजार ६५३ जनाको अवस्था गम्भीर रहेको वर्ल्डोमिटर्सले बताएका छन् ।