आउँदो बर्षको दशैंमा रिलिज हुदैँ छ ‘परदेशी २’

सहयात्रा टिभी

काठमाडौं । माघ ०९, आउँदो बर्षको दशैंमा नारायण रायमाझीद्धारा निर्देशित चलचित्र ‘परदेशी–२’ रिलिज हुने भएको छ । यस बर्षको दशैंमा रिलिज हुने बताइएतापनि कोरोना भाइरसका कारण यो चलचित्र रिलिज हुन नसकेको हो ।

निर्माता वंशले भने – ‘यसवर्षको दशैंमा प्रदर्शन गर्ने सोचका साथ चलचित्रको छायांकन सुरु गरेका थियौं, तर कोरोना महामारीका कारण सम्भव भएन त्यसैले अब आउँदो वर्ष दशैंमा चलचित्र प्रदर्शन गर्ने घोषणा गर्दछौं ।’

चलचित्रमा दीलिप रायमाझी, प्रशान्त तामाङ्ग, प्रकाश सपूत, केकी अधिकारी, वर्षा सिवाकोटी, नीर शाह, सुशील पोखरेल, रमा थपलिया, देबेन्द्र बब्लू लगायतका कलाकारको अभिनय छन् भने चलचित्रको कथा रमेश विजीले तयार पारेका हुन् । सुदिप कुवँर मुख्य सहायक निर्देशक रहेको ‘परदेशी–२’मा मानकृष्ण महर्जनको छायांकन, अष्ट महर्जनको एक्सन, बि.बि. अनुरागीको संगीत तथा गोबिन्द राई र रामजी लामिछानेको कोरियोग्राफी, दिर्घ खड्काको सम्पादन छ ।