४ फिल्मको प्रतीक्षामा अभिनेत्री पूजा शर्मा

सहयात्रा टिभी

काठमाडौं । माघ १९, लकडाउनका कारण पूजाका रोकिएको चार फिल्मका अब सुचारु हुने भएको छ । पूजाका पाइपलाइनमा अहिले चार फिल्म छन्। तीन वटा फिल्मको छायांकन सकिएको छ भने एउटाको छायांकन अपूरै रहेकोछ। ढिलै भए पनि रोकिएका फिल्मको काम सुचारु हुने भएकोले उत्साहित छु भनी पूजा शर्माले जानकारी दिएकी छिन् ।

‘म यस्तो गीत गाउँछु २’, ‘सम्हालिन्छ कहिले मन’, ‘सम्झना बिर्सना’ र ‘पर्खी बसे २’ पूजाका आगामी फिल्म हुन्। पूजाको प्रतिक्षित फिल्म ‘म यस्तो गीत गाउँछु २’ लकडाउनकै कारण सार्वजनिक हुने मिति तोकिइसकेपछि रोकिएको थियो। पूजा र पल शाहको मुख्य अभिनय रहेको यो फिल्मका निर्देशक सुदर्शन थापा हुन्।

त्यस्तै, पूजा अहिलेसम्म सम्झौता भए अनुसार सौरभ चौधरीको निर्देशनमा बन्दै गरेको फिल्म ‘पर्खी बसे २’को छायांकन तयारीमा छिन्। ‘पर्खी बसे २’ दशकअघि निर्माण भएको फिल्म ‘पर्खी बसे’ को सिक्वेल हो। चारमध्ये तीन फिल्ममा पूजा पर्दामा आकाश सँगै देखिनेछिन्। दर्शकको ध्यान तान्न सफल हुन्छ चासो छ भन्ने अनुमान लगाउन सकिन्छ। तर आफ्ना फिल्म कहिले सार्वजनिक हुन्छ भन्ने कुरा आफ्नो हातमा नभएको पनि उनले बनाइन्।