आर्मी क्लबले वालिङलाई २–० गोल अन्तरले पराजित
सहयात्रा टिभी
काठमाडौं । माघ २७, राष्ट्रिय महिला लिग फुटबलमा त्रिभुवन आर्मी क्लबले वालिङ नगरपालिकालाई २–० गोल अन्तरले पराजित गरेको छ । १० खेलाडीमा सिमित वालिङलाई पराजित गर्न आर्मीकी शर्मिला थापा र विमला चौधरीले एक–एक गोल गरे । सातदोबाटोस्थित एन्फा कम्प्लेक्समा खेलको पहिलो मिनेटमै शर्मिलाको गोलबाट आर्मीले अग्रता बनाउन सफल भएको थियो । खेलको ४३ औं मिनेटमा विमलाले गोल गर्दै आर्मीलाई २–० को जित दिलाइन् ।
जितसँगै आर्मीले ८ खेलमा १९ अंक जोडेको छ । आर्मी लिगको दोस्रो स्थानमा रहेको छ । वालिङ ८ खेलमा ११ अंक जोडेर तेस्रो स्थानमा रहेको छ । खेलको ८३ औं मिनेटमा वालिङ १० खेलाडीमा समेटिएको बताईर्एको थियो । वालिङकी क्यामरुनी डिफेन्डर किओमेग्ने भेनेसा नोइली दुई पहेँलो कार्ड पाउँदै मैदानबाट बाहिरिएकी थिइन् ।