चिसोबाट बच्नका पैसा बालेर आगो ताप्ने यी व्यक्ति

सहयात्रा टिभी

काठमाडौं । माघ २८, भारतको उत्तर प्रदेशको महोबा जिल्लामा एक मानसिक रुपमा विक्षिप्त व्यक्तिले चिसोबाट बच्न निकै अचम्मको तरिका अपनाएका छन् । भारतीय सञ्चार माध्यमको रिपोर्ट अनुसार महोबा शहरस्थित पुरानो सब्जी मन्डी परिसर बाहिर एक मानसिक रुपमा विक्षिप्त व्यक्तिले चिसोबाट बच्नका लागि पाँच पाँच सयका थुप्र नोटहरुमा आगो लगाइदिए । त्यहाँ वरिपरि सरसफाईको काम गर्ने मानिसहरुलाई विश्वास गर्ने हो भने ती व्यक्तिले लाखौंको नगद, दुईवटा एन्ड्रोइड मोबाइल र सुन चाँदीको गहनासहित धारिलो हतियार पनि आगोमा स्वाहा बनाएको बताईएको छ ।

घटनाबारे जानकारी पाउने बित्तिकै घटनास्थलमा पुगेको प्रहरीले यसबारे अनुसन्धान सुरु गरेको बताइएको छ । प्रहरीले यो मामिलामा विभिन्न पाटोलाई ध्यानमा राखेर अनुसन्धान गरिरहेको छ । तर यहाँ प्रश्न उठ्छ कि यी व्यक्तिसँग यति धेरै नगद कहाँबाट आयो ?