पीएसजीको सानदार जित, एम्बाप्पेको ह्याट्रिक
सहयात्रा टिभी
काठमाडौं । फाल्गुन ०५, युवा स्टार खेलाडी केलियन एम्बाप्पको ह्याट्रिकको सहयोगमा फ्रेन्च क्लब पेरिस सेन्ट जर्मेन (पीएसजी)ले च्याम्पियन्स लिग फुटबलअन्तर्गत अन्तिम–१६ को पहिलो लेगमा सहज जित निकालेको छ । मंगलबार रात भएको खेलमा पीएसजीले स्पेनिस क्लब बार्सिलोनालाई ४–१ ले पराजित गरेको हो । बार्सिलोनाको घरेलु मैदानमा भएको खेलमा पीएसजीलाई जित दिलाउन एमबाप्पेले ह्याट्रिक गरे ।
बार्सिलोनाका लागि कप्तान लियोनल मेसीले एक गोल गरे । खेलको २७औँ मेसीले पेनाल्टीमा गोल गर्दै घरेलु टोलीलाई अग्रता दिलाएका थिए । ७०औँ मिनेटमा मोइस किनले पीएसजीका लागि तेस्रो गोल गरे । ८५औँ मिनेटमा एमबाप्पेले ह्याट्रिक पूरा गर्दा पीएसजी ४–१ ले विजयी भयो ।