जया बच्चन सात वर्षपछि फिल्ममा

सहयात्रा टिभी

काठमाडौं । फाल्गुन ०५, अभिनेत्री जया बच्चन बलिउड फिल्म उद्योगमा लामो समय बिताइसकेकी छन् । यो समयमा उनले कैयौं हिट फिल्म दिएकी छन् । उनी ७ वर्षपछि ठूलो पर्दामा फर्किदैछिन् । यो उनको पहिलो पटक मराठी प्रोजेक्टमा काम हुनेछ ।

फिल्मको निर्देशन गजेन्द्र अहीरेले गर्दैछन् । उनले यसअघि ‘शेवरी’, ‘अनुमती’ जस्ता करिब ५० फिल्मको निर्देशन गरिसकेका छन् । मराठी फिल्मका लागि जयाले २० दिनमा सुटिङ पुरा गर्नेछिन् । भिनेता अमिताभ बच्चनसँग सन् १९७३ मा विवाह गरेपछि जया फिल्मी माहौलबाट करिब करिब टाढा भइसकेकी थिइन् । विवाहपछि उनले ‘सिलसिला’, ‘कभी खुशी कभी गम’, ‘लागा चुनरी में दाग’ र ‘कल हो ना हो’ जस्ता फिल्ममा अभिनय गरिन् ।