कोरोना अपडेटः थप २४ घन्टामा ११५८ जनामा कोरोना संक्रमण १२ जनाको मृत्यु
सहयात्रा टिभी
काठमाडौँ । असोज १२, पछिल्लो २४ घन्टामा ११५८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १४ हजार ३ नमूना परीक्षणमध्ये ९०४ पीसीआर र २५४ जनामा एन्टिजेन पोजिटिभ देखिएको हो ।
यससँगै नेपालमा हालसम्म ८ लाख ८४ हजार ३७९ जनामा कोरोना संक्रमण पुष्टि भएको छ । यस्तै पछिल्लो २४ घण्टामा १२ जनाको मृत्यु भएसँगै कुल मृत्यु संख्या ११ हजार १२५ पुगेको छ ।
मन्त्रालयका अनुसार थप एक हजार ३१८ जना संक्रमणमुक्त भएका छन् । यससँगै हालसम्म कोरोना संक्रमणमुक्त हुनेहरूको संख्या ७ लाख ६३ हजार ७३४ पुगेको छ । हाल मुलुकभर १८ हजार ४२२ सक्रिय संक्रमित छन् ।