केपी ओली प्रचण्ड माधव नेपाल एमाले


बाजुरामा मतदानका क्रममा भएको झडपमा एमाले विद्यार्थी नेताको मृत्यु

सहयात्रा टिभी

बाजुरा । मंसिर ५, बाजुरामा मतदानका क्रममा भएको घटनामा सुरक्षाकर्मीको गोली लागेर एकजनाको मृत्यु हुनाका साथै तीनजना गम्भीर घाइते भएका छन् ।

बाजुराको त्रिवेणी नगरपालिका–७ स्थित नाटेश्वरी आधारभूत विद्यालयमा रहेको मतदान केन्द्रमा प्रहरी र स्थानीयवासीबीच झडप हुँदा गोली लागेर अनेरास्ववियुका केन्द्रीय सदस्य सञ्जीव ऐडीको घटनास्थलमै मृत्यु भएको हो । बाजुराका सहायक प्रमुख जिल्ला अधिकारी लोकेन्द्र विष्टका अनुसार सुरक्षाकर्मीको गोली लागेर स्थानीय परशुराम उपाध्याय, खड्क ऐडी र प्रेम थापा गम्भीर घाइते भएका छन् ।

बाजुरा सदरमुकाम मार्तडीस्थित बडिमालिका–९ कालिका मावि मतदानस्थलमा समेत प्रहरीले हवाई फायर गरेको थियो । सो ठाउँमा नेपाली कांग्रेस र नेकपा (एमाले)का कार्यकर्ताबीच झडप भएको थियो । त्यसैगरी बाजुराको बूढीनन्दा नगरपालिका, बूढीगङ्गा नगरपालिकालगायतका केही पालिकामा विवाद भएपछि मतदानसमेत स्थगन भएको छ ।

प्रकाशित : ५ मंसिर २०७९, सोमबार ०८:३७

प्रतिक्रिया दिनुहोस्