भारतीय राष्ट्रपति मुर्मु र प्रधानमन्त्री प्रचण्ड बीच भेटवार्ता
सहयात्रा टिभी
काठमाडौं । जेठ १८, चारदिने भारत भ्रमणमा रहेका प्रधानमन्त्री पुष्पकमल दाहाल ‘प्रचण्ड’ले भारतका राष्ट्रपति द्रौपदी मुर्मुसँग भेटवार्ता गरेका छन् ।
नयाँ दिल्लीस्थित राष्ट्रपति कार्यालयमा भारतीय राष्ट्रपति मुर्मु र प्रधानमन्त्री प्रचण्ड बीच भेटवार्ता भएको हो । भेटमा द्विपक्षीय हितका विविध विषयमा विचारविमर्श भएको प्रधानमन्त्रीको सचिवालयले जनाएको छ।
भेटमा नेपाली प्रतिनिधिमण्डलको सहभागिता रहेको थियो। यसअघि आजै प्रधानमन्त्री दाहाल प्रचण्डले हैदरावाद हाउसमा भारतीय समकक्षी नरेन्द्र मोदीसँग भेटवार्ता गरेका थिए। त्यसलगत्तै दुई देशका बीचमा विभिन्न सहमति तथा सम्झौतामा हस्ताक्षर भएको थियो ।