गृहमन्त्री श्रेष्ठद्धारा नेपाली राजनीति भित्र प्रसस्त विकृति रहेको स्वीकार
सहयात्रा टिभी
काठमाडौं । जेठ २८, उपप्रधान तथा गृहमन्त्री नारायणकाजी श्रेष्ठद्धारा नेपाली राजनीति भित्र प्रसस्त विकृति रहेको स्वीकार गरेको जनाएका छन् । त्यसलाई सफा गर्ने जिम्मेवारी आफूहरुको भएको बताए ।
आइतबार राजधानीमा राष्ट्रिय युवा परिषदले आयोजना गरेको नमूना संयुक्त राष्ट्रसंघीय महासभा अभ्यास कार्यक्रमको उद्घाटन समारोहमा मन्त्री श्रेष्ठले राजनीतिलाई सफा नगरीकन देश सफा गर्न नसकिने बताए ।
उनले अहिलेको लोकतन्त्रमा पनि नागरिकका आवश्यकता पूर्ति हुन नसकेको स्वीकार गरे ।
माओवादी केन्द्रका वरिष्ठ उपाध्यक्षसमेत रहेका श्रेष्ठले राजनीतिबाट भागेर लोकतन्त्र र हालसम्मका राजनीतिक उपलब्धि बचाउन नसकिने भन्दै राजनीतिमै रहेर देश परिवर्तन गर्न युवाहरुलाई आग्रह गरे ।
गृहमन्त्री श्रेष्ठले १२ कक्षा पास गरिसकेपछि विदेश जानेक्रम नेपालका लागि संस्कृति जस्तो बन्न थालेकोमा चिन्ता व्यक्त गरे ।