नयाँ सरकारसंगै सेयर कारोवार बढ्दै
सहयात्रा टिभी
काठमाडौं । नयाँ सरकार गठन भएसंगै सेयर बजारमा सुधार आएको छ । सेयर बजारमा कारोबार रकम बढ्दो क्रममा देखिएको छ । यसलाई लगानीकर्ताको मनोबल बढ्दै गएको संकेतका रूपमा पनि हेर्न सकिन्छ ।
कांग्रेस नेतृत्वमा सरकार बनेपछि बजारमा थप सुधार हुने अपेक्षा गरिएको थियो तर अपेक्षित रूपमा सुधार आउन सकेन ।
गत साता बजारमा करिब साढे ३ अर्ब रुपैयाँ बराबरको सेयर कारोबार भएको छ । अघिल्लो साताको तुलनामा कारोबार रकम १७.६४ प्रतिशतले बढी हो । नेप्से निरन्तर ओरालो लागेपछि घटने दर केही कम भएको छ ।
गत साता ३४ हजार २ सय २४ कारोबारबाट १ सय ५९ कम्पनीका ३ अर्ब ३५ करोड ७ लाख रुपैयाँ बराबरको सेयर कारोबार भयो ।