चुनाव नजिकिदै गर्दा वीरगञ्जमा भारतीय नागरिक पेस्तोलसहित पक्राउ

सहयात्रा टिभी

पर्सा । स्थानिय तहको असोज २ मा हुने चुनाव नजिकिदै गर्दा वीरगञ्जमा एक भारतीय नागरिकलाई प्रहरीले पेस्तोलसहित पक्राउ गरेको छ । वीरगञ्जसँग सीमा जोडिएको भारतीय शहर रक्सौलको मौजे टोल निवासी २५ वर्षीय महम्मद शम्सेर पेस्तोलसहित पक्राउ परेको पर्सा प्रहरीले जनाएको छ । शम्सरेको साथबाट एकथान नलकुटवा पेस्तोल र त्यसमा लाग्ने आठ एमएमको तीन राउण्ड गोली बरामद भएको प्रहरीले जनाएको छ । उनले चढेको बिआर २२ एम ३२६३ नम्बरको मोटरसाइल पनि प्रहरीले नियन्त्रणमा लिएको छ ।
बिशेष सूचनाको आधारमा शम्सेरलाई पक्राउ गरिएको प्रहरीले जनाएको छ ।