आफूले दायर गरेको रिट सर्वोच्चले खारेज गरेलगत्तै प्रहरी नायव महानिरीक्षक सिलवालले दिए राजीनामा (पत्रसहित)
सहयात्रा टिभी
काठमाडौं । प्रहरी नायव महानिरीक्षक नवराज सिलवालले राजीनामा दिएका छन् । सिलवालले सर्वोच्च अदालतले आफूले दायर गरेको रिट खारेज गरे लगत्तै प्रहरीको सेवाबाट राजीनामा दिएका हुन् । आफू प्रहरी महानिरीक्षक (आईजीपी) हुनुपर्ने दाबी गर्दै दायर गरेको रिट सर्वोच्च अदालतले मंगलबार खारेज गरिदिएपछि सिलवालले प्रहरी सेवाबाट राजीनामा दिएका हुन् ।
उनको ३० बर्षे कार्यकाल पूरा गर्न केही महिना मात्र बाँकी थियो । प्रहरी महानिरीक्षकको बढुवा र त्यसमा असन्तुष्टी जनाउँदै सर्वोच्चमा रिट दायर गरेपछि प्रहरी नायव महानिरीक्षक सिलवाल बिदामा बस्दै आएका थिए ।
