ला लिगामा बार्सिलोनाको गोल वर्षा
सहयात्रा टिभी
काठमाण्डौँ । फागुन -१३, स्पेनिस ला लिगा अन्तर्गत हिजो भएको खेलमा बार्सिलोनाले गिरोनामाथि गोल वर्षा गर्दै विजय हाँसिल गरेको छ । यस सिजनमा अपराजित रहँदै आएको बार्सिलोनाले गिरोनामाथि ६-१ को सानदार जित निकाल्न सफल भएको हो । । बार्सिलोनाको घरेलु मैदानमा भएको खेलमा स्वारेजले ह्याट्रिक गरे भने मेस्सीले २ गोल र फिलिप कोन्टिन्होले १ गोल गरे ।
गिरोनाको लागि खेलको तेस्रो मिनेटमै क्रिस्टियन पोर्टुले गोल गर्दै अग्रता दिलाएका थिए तर गिरोनाले त्यो भन्दा बढी गोल गर्न सकेन । स्वारेजले खेलको ५औं, ४४औं र ७६औं मिनेटमा गोल गरे भने मेसीले ३० औं र ३६ औं मिनेटमा गोल गरे भने फिलिप कान्टिन्होले ६६ मिनेटमा गोल गरे ।
यो सिजनको ला लिगामा २२ गोल गरेका मेस्सी सर्वाधिक गोलकर्ताको सूचीमा पहिलो नम्बरमा र २० गोल गरेका स्वारेज दोस्रो नम्बरमा छन् ।