बाँदरले दुख दिएपछि, बाँदर घाँस रोप्दै गाउँलेहरु
सहयात्रा टिभी
काठमाण्डौं । श्रावण–२५, बाँदरले अचाक्ली दुःख दिन थालेपछि तामाकोसी गाउँपालिकाका बासिन्दाहरुले बाँदर घाँस रोप्ने नीति लिएका छन् । पहिलो चरणमा भीरकोटमा मोलसेस जातको घाँस रोपेर बाँदरको क्षति रोकथाम गर्न थालिएको हो ।
बाँदर घाँस रोपेपछि बाँदरको बिगबिगी घटेको भीरकोटवासीले बताएका छन् । मोलसेस जातको घाँसमा बाँदरलाई मन नपर्ने गन्ध आउने, बोट बाक्लो हुने, पातमा झुस आउने र च्यापच्याप लाग्ने तेलजस्तो पदार्थ निस्कने भएकाले बाँदर यसको वरिपरि नै जाँदैन ।
यो घासबाट निस्कने झुस शरीरमा टाँसिएपछि निकाल्न नसकिने भएकाले बाँदर टाढैबाट फर्किने गाउँपालिकाका प्रमुख ईश्वरचन्द्र पोखरेलले बताए ।