आज थप १०८ जनामा कोरोना पुष्टि,कुल संक्रमित संख्या १६ हजार ५ सय नाघ्यो
सहयात्रा टिभी
काठमाडौं । असार–२५, पछिल्लो २४ घन्टामा देशभरका २५ वटा प्रयोगशालामा गरिएको परीक्षणमा थप १०८जनामा कोरोना संक्रमण पुष्टि भएको छ ।स्वास्थ्य तथा जनसंख्या मन्त्रालयका अनुसार बिहीबार थप भएकासमेत हालसम्म कुल संक्रमितको संख्या १६ हजार पाँच सय ३१ पुगेको छ ।
स्वास्थ्य तथा जनसङ्ख्या मन्त्रालयका अनुसार बिहीबार २४ घण्टामा चार हजार ५८८ जनाको पीसीआर परीक्षण गरिएको छ । हालसम्म क्वारेन्टाइनमा रहेका बिरामीको सङ्ख्या २४ हजार ४२५ तथा आइसालेसनमा आठ हजार ६०५ जना बिरामी रहेका छन् ।पछिल्लो २४ घण्टामा १३९ जना कोरोना सङ्क्रमितमुक्त भएर घर फर्केका छन् । हालसम्म सात हजार ८९१ जना कोरोनामुक्त भएका छन् । नेपालमा अहिलेसम्म आठ हजार ६४० जनामा कोरोना भाइरसको सङ्क्रमण सक्रीय रहेको छ । सबै सङ्क्रमित आइसोलेसनमा छन् ।मन्त्रालयले बिहीबार गरेको नियमित मिडिया ब्रिफिङमा प्रवक्ता डा. जागेश्वर गौतमले विगत २४ घन्टामा एक सय ३९ जना निको भई डिस्चार्ज भएको बताए ।हालसम्म संक्रमणमुक्त भई डिस्चार्ज हुनेको संख्या सात हजार आठ सय ११ पुगेको छ ।