प्रहरी प्रधान कार्यालयका थप २८ जना प्रहरीमा कोरोना पुष्टि,प्रहरी प्रधान कार्यालयमा मात्रै कोरोना संक्रमितको संख्या ७२ पुग्यो

सहयात्रा टिभी

काठमाडौं । श्रावण–१६,प्रहरी प्रधान कार्यालयमा कार्यरत थप २८ जना प्रहरीमा कोरोना पुष्टि भएको छ ।प्रहरी प्रवक्ता एसएसपी कुबेर कडायतले प्रहरी अस्पताल महाराजगन्जमा गरिएको परीक्षणमा बिहीबार साँझ १० र शुक्रबार बिहान थप १८ जना प्रहरीमा कोरोना पुष्टि भएको जानकारी दिएकाछन् ।योसँगै प्रहरी प्रधान कार्यालयमा मात्रै कोरोना संक्रमितको संख्या ७२ पुगेको छ ।

प्रहरी प्रवक्ता कडायतका अनुसार अहिलेसम्म देशभर २ सय ५० जना प्रहरीमा कोरोना पुष्टि भएको छ । शुक्रबार बिहानसम्म संक्रमण पुष्टि भएकामध्ये १ सय १ जना निको भइसकेको उनले बताए ।संक्रमितलाई थप उपचारका लागि बलम्बुस्थित एपीएफ अस्पताल पठाइएको प्रवक्ता कडायतले जानकारी दिए ।एसएसपी कडायतले संक्रमितको संख्या बढ्दै गएपछि प्रधान कार्यालयभित्र बाहिरी मानिसको आउजाउमा कडा पारिएको छ । अत्यावश्यक काममा आउनेलाई आवश्यक सुरक्षा मापदण्ड अपनाएर प्रवेश दिइएको बताए ।