पछिल्लो २४ घण्टामा नेपालमा थप ४६८ जनामा कोरोना पुष्टि,कुल संक्रमित संख्या २६ हजार नाघ्यो

सहयात्रा टिभी

काठमाडौं । श्रावण–३१, नेपालमा थप ४६८ जनामा कोरोना संक्रमण पुष्टि भएको छ ।यो संगै नेपालमा कुल सङ्क्रमितको सङ्ख्या २६ हजार १९ पुगेको छ ।

पछिल्लो २४ घन्टामा १२४ जना डिस्चार्ज भएका छन् ।यस संगै हालसम्म निको हुनेको संख्या १७ हजार २०१ रहेको प्रवक्ता गौतमले बताए । मन्त्रालयका अनुसार शनिबारसम्म पीसीआर विधिबाट ५ लाख ५ हजार ६६० परीक्षणहरु गरिएका छन् । त्यसैगरी २४ घन्टामा जम्मा ११ हजार ४७ पीसीआर परीक्षण भएका छन् ।हालसम्म क्वारेन्टाइनमा रहनेको संख्या १४ हजार ४ सय ४८ जना रहेका छन् । त्यसैगरी आइसोलेसनमा रहनेको संख्या ८ हजार ७१६ जना रहेको छ ।मन्त्रालयका अनुसार देशभरी होम आइसोलेसनमा ५२३ जना रहेका छन् ।प्रदेश १ मा ११५, प्रदेश २ मा ९८, वाग्मती प्रदेशमा १०५, प्रदेश ५ मा ९०, कर्णाली प्रदेशमा ८, सुदूरपश्चिम प्रदेशमा १०७ जना रहेका छन् । गण्डकी प्रदेशमा भने कोही पनि होम आइसोलेसनमा नरहेको बताइएको छ।