नेपालमा कोरोना : २४ घण्टामा १ हजार ६९मा कोरोना पुष्टि,कुल संक्रमित संख्या ४० हजार ५२९ पुग्यो

सहयात्रा टिभी

काठमाडौं । भाद्र–१६,पछिल्लो २४ घण्टामा नेपालमा १२ हजार ८८ जनाको आरटी पीसीआर परीक्षण गरिएकोमा १ हजार ६९ जना कोरोना सङ्क्रमित थपिएका छन् ३४४ महिलासहित एकहजार ६९ जनामा कोरोना भाइरस पुष्टि भएको स्वास्थ्य तथा जनसङ्ख्या मन्त्रालयले दैनिक प्रेस ब्रिफिङमा बताएको छ । सकृय सङ्क्रमितहरू १८ हजार ११२ रहेका छन् । संस्थागत आइसोलेसनमा दश हजार ८३२ र होम आइसोलेसनमा सातहजार २८० छन् । पछिल्लो २४ घण्टामा थपिएकासँगै सङ्क्रमित हुने कुल ४० हजार ५२९ पुगेको जनाइएको छ ।

पछिल्लो २४ घण्टामा ७६८ जना कोरोना सङ्क्रमित निको भएर घर फर्केका छन् । योसँगै कुल निको हुने संख्या २२ हजार १७८ पुगेको छ ।भने कुल डिस्चार्ज दर ५५ प्रतिशत रहेको बताइएको छ ।विदेशबाट फर्केका अधिकांश क्वारेन्टिनमा बसेका छन् । यसरी बस्नेहरू सात हजार ३९० रहेको पनि मन्त्रालयले जनाएको छ । कोरोना भाइरस संक्रमणबाट थप ११ जनाको मृत्यु भएको छ। योसहित ज्यान गुमाउनेको संख्या २३९ पुगेको हो।