स्याङ्जा पहिरो अपडेटः ९ जनाको शव फेला
सहयात्रा टिभी
वालिङ । असोज–०८, स्याङ्जाको वालिङ नगरपालिका–१४ मा पहिरोले घर पुरिँदा बेपत्ता भएका ९ जनाको शव फेला परेको छ। जिल्ला प्रहरी कार्यालय स्याङ्जाका अनुसार घरधनी ४८ वर्षीया माया नेपाली, ६० वर्षीया सानी नेपाली, ३० वर्षीय दीपक नेपाली, २८ वर्षीया उमाकला नेपाली र २१ वर्षीय कुलदीप नेपालीको शव फेला परेको छन् ।
१९ वर्षीया विनिता नेपाली, १४ वर्षीय विक्रम नेपाली, ९ वर्षीय दिवस नेपाली र अन्दाजी सात महिने शिशुको शव फेला परेको जनाएको छ । मृतकमध्ये सानी नेपाली पाहुना भएको बताइएको छ। उनको ठेगाना खुल्न सकेको छैन। पहिरोले घर पुरिँदा बेपत्ता भएकामध्ये १६ वर्षीया मनिषा नेपालीलाई भने उद्धारकर्मीहरूले उद्धार गरेका छन्।