कांग्रेस पदाधिकारी बैठक स्थगित
सहयात्रा टिभी
काठमाडौं । असोज–१८, कोरोनाका कारण कांग्रेस केन्द्रीय समितिको बैठक अनिश्चित भएको छ । कांग्रेसका ४ केन्द्रीय सदस्यहरुमा कोरोना संक्रमण पुष्टि भएसँगै सोमबारका लागि बोलाइएको बैठक अनिश्चित भएको हो ।
शनिवार पूर्वमन्त्री समेत रहेका कांग्रेस नेताहरु अर्जुननरसिंह केसी, गगनकुमार थापा तथा नेताहरु शम्भुलाल श्रेष्ठ र कल्पना चौधरी लगायत कार्यालयका कर्मचारीहरुमा कोरोना संक्रमण पुष्टि भएको थियो । कोरोना जोखिम रोकथाम तथा नियन्त्रणका लागि भन्दै आगामी ५ दिनको लागि केन्द्रीय कार्यालय समेत बन्द गरिएको छ । आज बिहानका लागि बोलाइएको कांग्रेस पदाधिकारी बैठक कोरोनाको कारण स्थगित गरिएको छ ।