सिप्रदीद्धारा निःशुल्क ६ महिने अटो इलेक्ट्रिसियन तालिम
सहयात्रा टिभी
काठमाडौं । चैत्र ११, सिप्रदी ट्रेडिङद्धारा ६ महिने निःशुल्क अटो इलेक्ट्रिसियन तालिम कार्यक्रम सञ्चालन गर्ने भएको छ । सिप्रदीको तालिम केन्द्र चन्द्रागिरीमा हुने उक्त तालिमका लागि दरखास्त आह्वान गरिएको छ ।
तालिममा उत्कृष्ट एवं सफल हुने प्रशिक्षार्थीहरूलाई सिप्रदीले नेपालभरी फैलिएका विभिन्न वर्कशपहरुमा रोजगारीको अवसरहरूमा प्राथमिकता दिने जनाईएको छ ।
दरखास्त बुझाउन अन्तिम मिति १८ गतेसम्म र दरखास्त बुझाउने स्थान सिप्रदीको केन्द्रीय कार्यालय तथा शाखा कार्यालयहरु रहेको सिप्रदीले जनाएको छ ।
नि: शुल्क तालिममा काठमाडौँ उपत्यका बाहिरका स्थानहरु नेपालगञ्ज, महेन्द्रनगर, दाङ्ग, सुर्खेत, इटहरी, विर्तामोड, हेटौडा, विरगञ्ज, त्रिशुलीका प्रशिक्षार्थीहरुलाई विशेष ग्रायता दिइने बताइएको छ ।