कोरोनाबाट वरिष्ठ साहित्यकार सुवेदीको निधन
सहयात्रा टिभी
काठमाडौं । जेठ ३, वरिष्ठ साहित्यकार राजेन्द्र सुवेदीको आज बिहान कोरोना संक्रमणका कारण ७६ वर्षका उमेरमा निधन भएको छ ।
त्यस्तै केहीदिन उहाँलाई शहीद गङ्गालाल राष्ट्रिय हृदयरोग केन्द्रको भेन्टिलेटरमा राखेर उपचार गरिएको थियो भने सोअघि ह्याम्स अस्पतालमा उपचार गरिएको थियो ।
वि. सं २००२ साउन १९ गते पाँचथरमा जन्मनुभएका सुवेदीका कविता, निबन्ध, प्रबन्ध समालोचना आदि गरी तीन दर्जन पुस्तक प्रकाशित छन् । त्रिभुवन विश्वविद्यिालयमा नेपाली विषयमा ३७ वर्ष प्राध्यापक गरेका सुवेदी केन्द्रीय नेपाली विभागका पूर्वप्रमुख, गोरखापत्र संस्थानका पूर्व अध्यक्ष तथा महाप्रबन्धक हुनुहुन्थ्यो ।