घट्यो सुनको मूल्य १ हजार ६ सयले
सहयात्रा टिभी
काठमाडौँ । असार २२, सुनको मूल्य आज १ हजार ६ सय रुपैयाँले घटेको छ । मंगलबार तोलामा ९७ हजार ६ सय रुपैयाँ रहेको मूल्य आज ९६ हजार रुपैयाँमा झरेको छ ।
अन्तर्राष्ट्रिय बजारमा डलरको भाउ महंगो भएकाले सुनको मूल्य घटेको नेपाल सुन चाँदी व्यवसायी महासंघका पूर्व अध्यक्ष तेजरत्न शाक्यले बताए । उनका अनुसार मूल्य अझै घट्न सक्ने सम्भावना छ । तर यसै भन्न सकिने अवस्था चाहीँ छैन ।
यस्तै, आज चाँदीको मूल्य पनि घटेको छ । आज चाँदी तोलामा ३० रुपैयाँले घटेर १ हजार १ सय ७५ रुपैयाँ पुगेको नेपाल सुनचाँदी व्यवसायी महासंघले जनाएको छ ।