आज फलफूल तथा तरकारीको मूल्य कति छ ?
सहयात्रा टिभी
काठमाडौँ । चैत १८, कालीमाटी फलफूल तथा तरकारी बजार विकास समितिले आजका लागि तरकारी तथा फलफूलको मूल्यसूची सार्वजनिक गरेको छ। समितिका अनुसार आज हरियो अंगुर प्रतिकेजी १४० रुपैयाँ, कालो अंगुर २००, केरा दर्जनको १३० रुपैयाँ, अनार २५०, भारतीय सुन्तला १२०, नेपाली मेवा ७० चुकन्दर ५० र स्ट्रबेरी २५० रुपैयाँमा खरिदबिक्री भइरहेको छ।
यस्तै, नेपाली ठूलो गोलभेडा र भारतीय ठूलो गोलभेडा ७०, अदुवा २२०, रातो आलु ४४ र रातो भारतीय आलु ३८ रुपैयाँमा कारोबार हुँदा स्थानीय काउली १०, लौका ६०, कागती २४०, लोकल काँक्रो ६०, सुकेको खुर्सानी ४३०, हरियो खुर्सानी ९० रुपैयाँ प्रतिकेजी कायम भएको छ।
समितिले लोकल बन्दा १८, हाइब्रीड सेतो मूला २५ र रातो मूला ४५, लोकल घिउ सिमी २५ रुपैयाँ, राजमा घिउ सिमी ९० रुपैयाँ, टाटे सिमी ४० रुपैयाँ, हरियो फर्सी लाम्चो र हरियो डल्लो फर्सी २५ रुपैयाँमा खरिदबिक्री भइरहेको जनाएको छ ।
गुन्द्रुक २५०, भारतीय सुकेको प्याज ७०, हरियो प्याज ३० र पुदिना १०० रुपैयाँ केजी कायम गरेको कालिमाटी बजारले ब्रोकाउली ४०, चाइनिज सुकेको लसुन २६०, हरियो लसुन १२० रुपैयाँमा कारोबारको अनुमति दिएको छ भने लाम्चो भान्टा २०, भिण्डी ९० र हरियो धनियाँ ४० रुपैयाँ पाइने समितले जनाएको छ।