अदालतले मुख्यमन्त्री केजरीवाललाई धरौटीमा रिहा गर्न आदेश
सहयात्रा टिभी
काठमाडौं । भदौ २८, भारतको नयाँदिल्लीका मुख्यमन्त्री अरविन्द केजरीवाललाई धरौटीमा रिहा गर्न सर्वोच्च अदालतले आदेश दिएको छ ।
सर्वोच्च अदालतले केजरीवाललाई १० लाख धरौटीमा रिहा गर्न आदेश दिएको हो । रक्सीसम्बन्धी अन्तःशुल्क नीतिमा भएको घोटालामा उहाँ पक्राउ पर्नुभएको थियो ।
मुख्यमन्त्री केजरीवाललाई केन्द्रीय जाँच ब्युरो (सीबीआई) ले पक्राउ गरेपछि उहाँले सर्वोच्च अदालतमा पुनरावेदन गर्नुभएको थियो ।
सर्वोच्चका न्यायाधीशद्वय सूर्यकान्त र उज्जल भुइयाँको इजलासले केजरीवाललाई रिहा गर्न आदेश दिएको हो । भारतीय समाचार संस्था पीटीआईका अनुसार न्यायाधीशले धरौटीमा रिहा गर्न सीबीआईलाई आदेश दिएका हुन् ।
दिल्ली सरकारमाथि सन् २०२१\२२ को अन्तःशुल्क नीतिमा भ्रष्टाचारको आरोप छ । तर यो नीति अहिले खारेज भइसकेको छ । यसैबीच अदालतको आदेशपछि आम आदमी पार्टीले सत्यको जीत भएको प्रतिक्रिया दिएको छ ।