सुनचाँदीको मूल्यमा गिरावट, आज कतिमा हुँदैछ कारोबार ?

सहयात्रा टिभी

काठमाडौं । भदौ १, साताको पहिलो कारोबार दिन आइतबार नेपाली बजारमा सुन र चाँदी दुवैको मूल्यमा सामान्य गिरावट आएको छ । नेपाल सुनचाँदी व्यवसायी महासंघले सार्वजनिक गरेको पछिल्लो विवरणअनुसार, सुनको मूल्य प्रति तोलामा ७०० रुपैयाँले घटेको छ भने चाँदीको मूल्यमा ५ रुपैयाँको सामान्य कमी आएको छ ।

यो गिरावटसँगै, आज छापावाल सुनको कारोबार प्रति तोला १ लाख ९५ हजार ५०० रुपैयाँमा भइरहेको छ । यसअघि, साताको अन्तिम कारोबार दिन शुक्रबार छापावाल सुन प्रति तोला १ लाख ९६ हजार २०० रुपैयाँमा किनबेच भएको थियो ।

त्यसैगरी, चाँदीको मूल्यमा पनि सामान्य कमी आएको छ । महासंघका अनुसार, चाँदीको मूल्य प्रति तोलामा ५ रुपैयाँले घटेर २ हजार ३१० रुपैयाँ कायम भएको छ । शुक्रबार चाँदी प्रति तोला २ हजार ३१५ रुपैयाँमा कारोबार भएको थियो ।